Æskulýðsstarf

Æskulýðsstarf 2018-01-22T11:44:00+00:00

ATHUGIÐ: Barna-og æskulýðsstarfið hefst að nýju með fjölskyldumessu 14. janúar. Vinadeild, Leikjafjör og æskulýðsfélagið byrja því 18. janúar. 

Kæru vinir! Þá er æskulýðsstarfið hér í Fella – og Hólakirkju að hefjast og ljóst að nóg verður um að vera í vetur. Pétur Ragnhildarson er umsjónamaður æskulýðsstarfsins og með honum í vetur verða Ásta Guðrún, Kristín Gyða, Pálína Agnes og Marta. Eins og áður er dagskráin mjög skemmtileg og það verður líf og fjör hjá krökkunum í vetur.  Þátttaka er ókeypis og vonumst við til þess að sjá ykkur sem flest! Upplýsingar um starfið veita Pétur Ragnhildarson (peturragnhildar@gmail.com) og séra Jón Ómar Gunnarsson (jon.gunnarsson@kirkjan.is).

1 – 2. bekkur

Á sunnudögum kl. 11 er sunnudagaskóli í Fella-og Hólakirkju. Það er alltaf fjölbreytt dagskrá í sunnudagaskólanum t.d. söngur, biblíusögur, brúðuleikrit og mikil gleði. Með reglulegu millibili er boðið upp á öðruvísi dagskrá eins og leiksýningar og ferðalög. Börn í 1. – 2. bekk eru sérstaklega boðin velkomin í sunnudagaskólann!

3 – 4. bekkur

Vindadeild Fella- og Hólakirkju í samstarfi við KFUM og KFUK er á fimmtudögum frá 15:30 – 16:30 fyrir 3 – 4. bekk. Starfsfólk kirkjunnar sækir börn á frístunaheimiðið Hraunheima í samráði við foreldra, vinsamlegast látið vita með því að senda póst á jon.gunnarsson@kirkjan.is vilji foreldrar nýta sér þá þjónustu!

5 – 7. bekkur

Leikjafjör Fella- og Hólakirkju í samstarfi við KFUM og KFUK er á fimmtudögum frá 17:00 – 18:00 fyrir hressa krakka á aldrinum 5 – 7. bekk. Það verður mjög skemmtileg dagskrá sem hentar öllum og verður mikið sprellað. Það er ókeypis að taka þátt og vonumst við til þess að sjá ykkur sem flest!

8. – 10. bekkur

Unglingastarf Fella- og Hólakirkju í samstarfi við KFUM og KFUK er á fimmtudagskvöldum klukkan 20 – 21:30 fyrir hressa krakka í 8.-10. bekk. Við munum bralla ýmislegt skemmtilegt saman og slá á létta strengi. Það er ókeypis að taka þátt og vonumst við til þess að sjá ykkur sem flest! #fellaoghóla #blessed #stuð