Sunnudaginn 24. mars kl 17 flytur kammerhópurinn ReykjavíkBarokk, Marta Guðrún Halldórsdóttir sópran og Jóhanna Halldórsdóttir alt hið sígilda verk STABAT MATER eftir Giovanni Battista Pergolesi á tónleikum í Fella og Hólakirkju.
Tónleikarnir eru fyrstu tónleikar ReykjavíkBarokk en hópurinn, sem skipaður er hljóðfæraleikurum sem leika á upprunaleg hljóðfæri, ætlar sér að auka veg barokktónlistar í íslensku tónlistarlífi.
Verkið Píslarsaga eftir Þorkel Sigurbjörnsson verður einnig flutt á tónleikunum af hópi nemenda úr tónlistardeild Listaháskóla Íslands undir stjórn Svövu Bernharðsdóttur víóluleikara. Þetta verk Þorkels hefur sjaldan heyrst og var síðast flutt á tónleikum árið 1984.
Almennt miðaverð er 2000 krónur en 1000 fyrir nemendur og eldri borgara. Enginn posi er á staðnum.
Einstakur viðburður sem enginn ætti að láta fram hjá sér fara!
Flytjendur:
Stabat mater
Einsöngvarar: Marta Guðrún Halldórsdóttir, sópran og Jóhanna Halldórsdóttir, alt
ReykjavíkBarokk: Diljá Sigursveinsdóttir, fiðla
Íris Dögg Gísladóttir, fiðla
Anna Hugadóttir, víóla
Ólöf Sigursveinsdóttir, selló
Guðný Einarsdóttir, continuo
Píslarsaga
Nemendur LHÍ: Þorkell Helgi Sigurbjörnsson, tenór
Steinunn Vala Pálsdóttir, flauta
Guðbjartur Hákonarson, víóla
Hrafnhildur Marta Guðmundsdóttir, selló