Lofaður sé Guð, er eigi vísaði bæn minni á bug né tók miskunn sína frá mér (Sl.66.20).
Guðsþjónusta kl. 11.
Séra Svavar Stefánsson þjónar fyrir altari, Ólöf Margrét Snorradóttir prédikar. Kór Fella- og Hólakirkju syngur undir stjórn Sólveigar Önnu Aradóttur. Meðhjálpari Jóhanna Freyja Björnsdóttir.
Hinn almenni bænadagur er að venju fimmta sunnudag eftir páska, þá er hefð fyrir því að söfnuðir landsins sameinist um eitt bænarefni.
Guðspjall dagsins er svohljóðandi:
Þetta hef ég sagt yður í líkingum. Sú stund kemur að ég tala ekki framar við yður í líkingum heldur mun ég berum orðum segja yður frá föðurnum. Á þeim degi munuð þér biðja í mínu nafni. Ég segi yður ekki að ég muni biðja föðurinn fyrir yður því sjálfur elskar faðirinn yður þar eð þér hafið elskað mig og trúað að ég sé frá Guði kominn. Ég er kominn í heiminn frá föðurnum. Ég yfirgef heiminn aftur og fer til föðurins.“
Lærisveinar hans sögðu: „Nú talar þú berum orðum og mælir enga líking. Nú vitum við að þú veist allt og þarft eigi að nokkur spyrji þig. Þess vegna trúum við að þú sért frá Guði kominn.“ (Jóh 16.23b-30)