Aðventukvöld Fella- og Hólakirkju verður fyrsta sunnudag í aðventu 29. nóvember kl. 20. Þá fyllist kirkjan af ljósi og ljúfum tónum. Kirkjukórinn og kór Fjölbrautaskólans í Breiðholti syngja. Litrófið sýnir helgileik og syngur undir stjórn Arnhildar Valgarðsdóttur organist. Kristín Kristjánsdóttir djákni flytur hugleiðingu. Fiðlunemendur frá Tónskóla Sigursveins spila. Fjöldasöngur þar sem við syngjum inn jólin.
Að lokinni samveru er boðið upp á heitt súkkulaði og smákökur í safnaðarsal kirkjunnar.
Komið og eigið notalega kvöldstund í byrjun aðventu.