Við byrjum með kyrrðarstund kl. 12 í umsjá Kristínar djákna og Arnhildar organista. Boðið upp á súpu og brauð eftir stundina á vægu verði.
Félagsstarf eldriborgara kl. 13. Gestur okkar er Una Margrét Jónsdóttir dagskrágerðakona á Rás 1. Una Margrét gaf nýverið út bókina Gullöld revíunnar.
Í bókinni er sagt frá mörgum geysivinsælum revíum svo sem Spánskar nætur, Nú er það svart, maður og Allt í lagi, lagsi. Revíur segja mikla sögu um stjórnmál og tíðaranda, og revíusöngvar eins og „Ég hef elskað þig frá okkar fyrstu kynnum“ og „Það er draumur að vera með dáta“ hafa verið vinsælir fram á þennan dag.
Una Margrét les upp úr bók sinni og segir okkur frá nokkrum helstu revíum gullaldarinnar og fluttar verða hljóðritanir af gömlum revíusöngvum.