Í Fella- og Hólakirkju er boðið upp á fjölbreytt og skemmtilegt æskulýðsstarf í samstarfi við KFUM og K.
Vinadeildin fyrir börn í 3.-4. bekk verður á fimmtudögum frá kl. 16:00-17:00. Farið verður í ýmsa skemmtilega leiki og slegið á létta strengi. Dagskráin er við allra hæfi og einkennist af hópeflandi leikjum og uppbyggjandi verkefnum.
Leikjafjör fyrir börn í 5.-7. Bekk verður á fimmtudögum kl. 17:00-18:00. Sem dæmi um dagskrárefni má nefna diskóskotbolta, brjóstsykursgerð, feluleik í kirkjunni og fleira.
Unglingastarf fyrir 8.-10. bekk verður á fimmtudagskvöldum kl. 20:00-21:30. Þar mætir hópur ungmenna sem skemmta sér konunglega við leiki og alls kyns fjör.
Skráning fer fram hér og er þátttaka ókeypis!