Næsta föstudag kl. 10:00 verður síðasta karlakaffið á þessu misseri. Gestur okkar verður Albert Jónsson, fyrrverandi sendiherra í Moskvu og sérfræðingur í utanríkismálum. Albert heldur úti heimasíðunni www.albert-jonsson.com þar sem hann fjallar um alþjóðamál og fleira. Kaffi, vínarbrauð og frábær félagsskapur. Verið velkomnir.
Næsta sunnudag, 21. maí, verður ekki hefðbundin messa kl. 17 í Fella- og Hólakirkju. Þess í stað ætlum við að fylgja kórnum okkur sem syngur í messu í Akraneskirkju kl. 20:00 og taka þátt í messunni með heimamönnum þar. Sr. Pétur Ragnhildarson, þjónar í messunni ásamt sr. Þóru Björgu Sigurðardóttur.
Nú er skráning í fermingarfræðslu og fermingar vorið 2024 hafin og ættu öll börn í sókninni fædd árið 2010 að hafa fengið kynningarbréf frá kirkjunni. Foreldrum og forráðafólki er boðið til kynningarfundar miðvikudaginn 24. maí kl. 20:00 í Fella- og Hólakirkju. Ferming er alltaf stór stund í lífi hvers ungmennis og fermingarfræðslan gott veganesti út [...]
Næsta sunnudag verður messa kl. 17. Sr. Jón Ómar Gunnarsson þjónar fyrir altari og prédikar. Félagar úr kór Fella- og Hólakirkju leiða tónlistina undir stjórn Arnhildar organista. Kaffisopi eftir stundina. Verið hjartanlega velkomin.
Næsta sunnudag verður guðsþjónusta kl. 17. Sr. Sigurjón Árni Eyjólfsson þjónar fyrir altari og prédikar. Félagar úr kór Fella- og Hólakirkju leiða tónlistina undir stjórn Arnhildar Valgarðsdóttur. Verið hjartanlega velkomin.
Næsta sunnudag verður fjölskylduguðsþjónusta og sumarhátíð í Fella- og Hólakirkju. Umsjón með stundinni hefur sr. Pétur Ragnhildarson og Nanna æskulýðsfulltrúi. Barnakór Hólabrekkuskóla syngur undir stjórn Diljár Sigursveinsdóttur við undirleik Arnhildar organista. Brúðan Viktoría mætir í stundina og skemmtir kirkjugestum. Eftir stundina verður boðið upp á pylsur, andlitsmálun fyrir börnin og blöðrur. Verið hjartanlega velkomin.
Kári Jónasson, fyrrverandi fréttastjóri og leiðsögumaður, mætir með erindi í Karlakaffið næsta föstudag, 28. apríl kl. 10:00. Það verður gaman að taka á móti honum enda hefur hann komið víða við. Kaffi, vínarbrauð og góðar umræður. Sjáumst á föstudaginn.
Næsta sunnudag verður messa kl. 17. Sr. Ása Laufey þjónar fyrir altari og prédikar. Félagar úr kór Fella- og Hólakirkju leiða tónlistina undir stjórn Arnhildar organista. Agnes Jórunn Andrésdóttir leikur á selló. Kaffisopi eftir stundina. Verið hjartanlega velkomin.
Næsta sunnudag verður guðsþjónusta kl. 17. Sr. Pétur Ragnhildarson þjónar fyrir altari og prédikar. Kór Fella- og Hólakirkju syngur undir stjórn Arnhildar organista. Meðhjálpari er Nanna Birgisdóttir Hafberg, æskulýðsfulltrúi við kirkjuna. Kaffisopi eftir stundina. Verið hjartanlega velkomin.
Aðalsafnaðarfundur Fella- og Hólasóknar verður haldinn í safnaðarsal Fella- og Hólakirkju þriðjudaginn 18. apríl og hefst kl. 17:30. Á dagskrá fundarins verða lögbundin aðalfundarstörf og önnur mál. Rétt til fundarsetu eiga allir þeir sem búa í Fella- og Hólahverfum í Reykjavík og eru skráðir í þjóðkirkjuna. Verið velkomin og takið þátt í mótun safnaðarstarfs kirkjunnar [...]